«Жүректің сырлары» кітабын Имам Ғазали жазған. Әулие кісі. Жүректі кеселдерден қалай аман сақтау керектігін керемет айтады. Дүниеге шектен тыс құмарлық, тәкаппарлық, ашкөздік, көреалмаушылық, қызғаншақтық, екіжүзділіктен арылудың, емделудің тәсілдерін жазған.

Имам Ғазалидің әлемге танымал туындысы "Бақыт формуласы" деп аталады. Бұл кітап араб емес ұлттар үшін жазылған. Кітапта көркем мінез, иманды қуаттау, Исламды өмір сүру стиліне айналдыру жайлы пайдалы мағлұматтар берілген.

Өз заманының ең жоғары ғылыми дәрежесі – «Хужжатул-Ислам» атағын алған көрнекті ғалым, ойшыл, теолог Әбу Мұхаммед әл-Ғазалидің «Ихия улумид-дин» (Дін ғылымдарының жаңғыруы) атты кітабы – ең көлемді әйгілі еңбектерінің бірі. Қолыңыздағы осы кітаптың 1-томында Исламның бес шарты: иман, намаз, ораза, зекет, қажылық сырлары мен мән-маңызы баяндалады. Сондай-ақ, Құран оқу мен құлшылық әдептері қамтылған.
Ислам нәрімен сусындағысы келетін барша оқырманға арналады.

Қолыңыздағы осы кітаптың 2-томы сегіз тараудан тұрады. Оларда Ислам құқығы (фиқһ), кәлам, философия және сопылықтың (тасаууф) қыр-сыры баяндалады. Атап айтқанда, тамақтану, неке, халал мен харам, кәсіп пен сауда, достық пен қарым-қатынас әдебі, сапарға шығу, пайғамбар ахлағы сияқты маңызды тақырыптар қамтылған.

Қолыңыздағы осы кітаптың 3-томында жан тәрбиесі, тіл кесапаттары, ашу мен қызғаныш, сараңдық пен дүниеқұмарлық, атаққұмарлық және рия, тәкаппарлық пен ужуб сияқты маңызды тақырыптар қамтылған.
Ислам нәрімен сусындағысы келетін барша оқырманға арналады.