Білім жемісі – Ұлт игілігі

Университет қабырғасында исламтану, дінтану және аударма ісінің білікті мамандары даярланады. Нәтижесінде, түлектеріміздің 80%-дан астамы қазіргі таңда ел игілігі жолында қызмет етіп, қоғамның рухани дамуына зор үлес қосуда.
Біз дайындаған мамандар — ұлттық құндылықтар мен діни сауаттылықтың алтын көпірі.

Неге жаңа ғимарат ауадай қажет?

Бүгінгі күні білімге ұмтылған жастардың легі толастар емес. 700 орынға лайықталған қазіргі ғимаратта 3300-ден астам студент білім алуда. Орын тапшылығынан шәкірттеріміз дәліздерде, тіпті асханада сабақ оқуға мәжбүр. Білімге деген осындай зор сұраныс пен шәкірттердің ыстық ықыласы бізді үлкен қадамға – жаңа ғимарат тұрғызуға жетеледі.

Армандар орындалатын жер

Жаңа оқу ғимараты — бұл таршылықтан кеңшілікке ұмтылыс. Бұл — дәстүр мен озық технология үйлескен, зертханалары мен рухани тәжірибе бөлмелері бар нағыз ғылым ордасы болмақ. Бұл – тар дәлізде қысылған үміттің, кең сарайда қанат жаюы. Жаңа ғимаратта асхана шуы емес, ғылымның тыныштығы салтанат құрып, шәкірттеріміз алаңсыз білім нәрімен сусындайтын болады.

9 қабатты

ғимарат

2 қабатты

кітапхана

30.000 м²

жалпы ауданы

10.000

студентке арналған

80

дәрісхана

480 м²

оқу залы

360 м²

асхана

300 м²

конференц залы